«65 Talks»

Мектебімізде қалыптасқан дәстүрге сәйкес 24 қазан күні «65 Talks» атты зияткерлік жоба сәтті өткізілді. Бүгінгі шараның басты ерекшелігі – үш тілде ой толғаған спикерлердің барлығы да 11 «Ж» сынып оқушылары болды.

Бітіруші сынып өкілдері өздерінің ізбасарларына тағылымды ой, тың ақпарат және өмірлік маңызы зор кеңестер ұсынды.

 Спикерлер мен тақырыптар:

 Абдылла Сәнім – «Зиянды әдеттерден арылу жолдары» тақырыбында жастарды салауатты өмір салтын ұстануға шақырды.

 Нұрланқызы Қасиет – «Проблема тревожности в современном мире и её широкое распространение среди подростков» атты баяндамасында қазіргі қоғамдағы мазасыздық мәселесін терең талдап өтті.

 Қалдарова Ақмерей – “Is Happiness Found — or Made?” тақырыбында бақыттың мәні мен адамның ішкі күйіне байланысты қызықты ойларымен бөлісті.

Зияткерлік алаңда 8–9-сынып оқушылары да белсенділік танытып, өз пікірлерін ортаға салып, спикерлермен еркін пікір алмасты.

Шара соңында қатысушылар өз әсерлерімен бөлісіп, тың идеялар мен жаңа көзқарастарға қанықты.

«65 Talks» жобасы — оқушылардың ой еркіндігін, тіл мәдениетін және көшбасшылық қабілетін дамытатын тамаша платформаға айналды.