Ұжымды психологиялық қолдау

Бірге жұмыс істеу – келісімді әрекетті, жауапкершілікті және бір-біріне қолдау көрсетуді талап етеді. 

Кез-келген механизмнің жұмысының сәттілігі оның элементтерінің өзара үйлесімді жұмыс істеуіне байланысты екені белгілі. Осы ереже ұжымның жұмысына да қатысты. 

Ұжымды психологиялық қолдау – қызметкерлердің жеке қасиеттерін ашуға, жылы әрі сенімді қарым-қатынас орнатуға мүмкіндік береді.  

Ы.Алтынсарин атындағы №65 мектеп-гимназияның кәсіподақ ұйымы мен педагог-психологтары ұжымда қолайлы атмосфералық ахуалды қалыптастыру, әлеуметтік әріптестікті тиімді ұйымдастыру мақсатында таңертеңгілік сергіту сәтін өткізді. 

Сергіту сәтіндегі әрбір жаттығу арқылы қатысушылар балалық шақтағы жағымды сезімдерді қайта жаңғыртып, көтеріңкі көңіл-күймен күнді бастауға мүмкіндік алды. 

Шара соңында ұстаздар күзгі жемістермен марапатталды.