Озық ойлы, өнегелі ұстаз, білікті басшы Кәдірбаева Қатира Қырғызбайқызы тірі болғанда 63 жасқа толар еді...

Өмір деген талас тартыс аламан

Болмас нәрсе пенде аңсап қалаған

Дәм тұз бітсе жаратқанға қайтады

Мәңгілікке, мекеніне әр адам

Еске алайын ұстазымды шырайлы

Алла жақсы адамдарды сынайды...

Қатира апай ұлы ардақты жан өмірден

Өтіп ерте тапқан екен Құдайды

Оңтүстіктің қызы еді ғажайып

Қатира апайды жырға қосып жазайық

Төлебидің Майбұлақтай жерінен

Шыққан ерен тұлға қалды азайып

Он жыл оқып Майбұлақтың мектебін

Өткізіпті сонда он жыл көктемін

Сонда жүріп оқуға да түседі

Ұстаз болу ең сүйікті ісі еді

Физика мен математика пәндерін

Балаларға оқытатын кісі еді

Шымкентте көп жетістік жеткені

Есте оның тынбай еңбек еткені

Білімімен орынбасар етіпті

Қаладағы Ы.Алтынсарин мектебі

Білім жолы лауазымын көтерген

Жан еді ғой еңбегі де өтелген

Білім бөлім меңгеруші болған ол

Директор да болып қызмет өтеген!

Ордендері бар алынған еңбекпен

Қатира апайды солай көкке өрлеткен

"Құрмет" пенен "Парасат"-қа көп жан жоқ

Күшін салып, жастайынан қол жеткен

Білімімен мектепті де танытты

Сан сайыста бас жүлделер алыпты

Мектебінің үздік болуы үшін де

Күш жігерін аянбастан салыпты

Жетістікке жеткен талай жарыста

Барған екен жарыстарға алысқа

Ел ішінде, сыртында да ұлы ұстаз

Өз күшімен жеткен екен табысқа

Республиканың үздігі боп танылған

Ұстаз еді маңдайында бағы бар

Түрік елі президенті қабылдап

Күллі түрік, қазақ ұлты таныған

Жаңашылдық басым еді бойында

Талай мықты жоспар болған ойында

Қимастықпен жыр жазылды осылай

Киргизбайқызы Қатира апай жайында

Жетістікке жетті мектеп басқарған

Көрініпті талай шәкірт асқардан

Сынақ алаң болған мектеп өзгеріп

Гимназия боп орындалған басты арман

Сүрінбеген сынақтардан алдағы

Талайлардың орындалған арманы

Есте қалды бүгін оның мәңгілік

Самаковадан дипломын алғаны

Ол басқарған мектепте көп даралар

Алтын алған, парасатты балалар

Бұл мектептің балаларын өзгелер

Зейінді деп ақылды деп бағалар

Тағылымды тәлім берген балаға

Ұлы тағзым бізден ұстаз анаға

Міне бүгін еске алдық апайды

Уақыт салып осылайша араға

Мүмкіндік көп бізге баппен берілген

Кім ойлаған оны өтер деп өмірден

Ұлағаты дүние де де, жалғаннан

Өтсе -дағы тұлғасынан көрінген

Мектебінің сөндірмеген шырағын

Түзу еткен әрбір өскен шынарын

Кадирбаева Катира апай жалғанда

Мың ғасырда бір туатын мұғалім

Көркейеді мектеп әлі сеніңіз

Сізді ұмытпас ұстаз ана еліңіз

Жайлы болсын мәңгілікке Алладан

Нәсіп болсын Жәннаттағы төріңіз