"Заң және тәртіп" қағидаты аясында жасөспірімдер арасында құқықбұзушылықтың алдын алу.

Қоғамдағы тәртіп пен тұрақтылықты қамтамасыз етудің негізгі шарты – заңның үстемдігін сақтау. Бұл қағида әсіресе жасөспірімдер арасында құқықбұзушылықтың алдын алуда маңызды рөл атқарады. Өйткені жасөспірімдер – қоғамның болашағы, ал олардың мінез-құлқы, дүниетанымы мен құқықтық сауаттылығы елдің келешегін айқындайды.
Жасөспірімдер арасында құқықбұзушылықтың туындау себептері әртүрлі болуы мүмкін. Олардың қатарында – отбасындағы бақылаудың әлсіздігі, мектеп тәрбиесінің жеткіліксіздігі, айналадағы ортаның кері ықпалы, сондай-ақ интернет пен әлеуметтік желілердегі теріс ақпараттың әсері бар. Осы тұрғыда "Заң және тәртіп" қағидатын ұстану арқылы мемлекет пен қоғам бірігіп, жастардың дұрыс бағытта дамуына ықпал ете алады.