“АТА-АНАЛАРДЫ ПЕДАГОГИКАЛЫҚ ҚОЛДАУ” БАҒДАРЛАМАСЫ АЯСЫНДА ӨТКЕН “ДАНАЛЫҚ МЕКТЕБІ”КЛУБЫНЫҢ ИНТЕРАКТИВТІ САБАҒЫ

мектебімізде 1-2 сынып мұғалімдерінің ұйымдастыруымен АПҚО жобасы аясында “Даналық мектебі: ата өсиеті” мектебінің кезекті сабағы өтті. “Туыстық қарым-қатынас - баға жетпес байлық” тақырыбында өткен интерактивті сабаққа 1-2 сынып ата-аналары мен ата-әжелері қатысты.

Сабақтың мақсаты: туыстық қарым-қатынастың маңыздылығын дәріптеу. 

Сабақтың міндеттері:

1. Туыстық атаулардың мағынасын ашу;

2. ⁠Ағайын, туыс арасындағы татулықты сақтау жолдарын түсіндіру;

3. ⁠Туыстық қарым-қатынасқа атаның жауапты екеніне назар аударту.

Ұлттық құндылық: Туыс адамдар арасындағы татулық.

Ата-аналарды: “Ағайындар”, “Нағашылар” және “Бөлелер” деп 3 топқа бөлуден бастаған модератор әр топтың топ атауының мағынасын ашып көрсету үшін топ басшыларын сайлады және топтарға әр түрлі форматта тапсырмалар беріліп, топ мүшелері белсене қатысып отырды.

Сабақ соңында ата-аналар сабақтан алған жағымды әсерлерімен бөлісіп, ұйымдастырушыларға алғыстарын білдірді. Модератор сабақты қорытындылап, естелікке суретке түсті.