ҮЛГІСІ КӨПТІҢ ӨРНЕГІ КӨП, ӨРНЕГІ КӨПТІҢ ЕРМЕГІ КӨП.

ҮЛГІСІ КӨПТІҢ ӨРНЕГІ КӨП, ӨРНЕГІ КӨПТІҢ ЕРМЕГІ КӨП.

Бала тәрбиесi – өзекті мәселе. Қазіргі таңда шәкірттерді жан-жақты дамыту мақсатында мектебімізде төрт бағытта үйірме жұмыстары жолға қойылған. 

Соның ішіндегі «Қыш құмыра» үйірмесінің жұмысы, жас қолөнер шеберлерінің туындылары көпшілікті қызықтыруда.

Ерекше атап өтер жайт «Қыш құмыра» үйірмесінің мүшелері саз балшықтан қыш ыдыстар жасайды. Бұйымға қажетті саз топырақты Қапшағай мен Отырар бойынан арнайы алдыртады.    

Алдымен сазды он күн жібітеді. Одан кейін целлофанда 20 күн сақтайды. Бұдан соң саз топырақ қоюланып, иленеді әрі түрлі бейне жасауға икемделеді. Топырақты біріктіріп, нығайтып ұстап тұру үшін қоғаның үпілдірігін араластырады.

«Үлгісі көптің өрнегі көп, өрнегі көптің ермегі көп» деп халық тәмсілінде айтылғандай бұл үйірменің берері мол. Бүгінде арт-терапияның маңызды саласына жататын саз балшықпен жұмыс жасау адам денсаулығына пайдасы ұшан-теңіз екені ғылымда әлдеқашан дәлелденіп қойған. Мамандардың айтуынша, өнер терапиясы көмегімен жеке тұлғаны мазалайтын өзекті мәселелер шешімін тауып, эмоционалды қысым, агрессия төмендейді екен. Сондай-ақ ағза алақанмен саз балшықты илеу арқылы сүйектің қатаюына қажетті кальциймен байытылады. Бұл өз ойын білдіруде және сойлесуде қиналатын адамдарға көмектесудің тиімді әдісі. Ол фобияны емдеу үшін де қолданылады. Стресс пен мазасыздықты азайтады.  

Балаңыздың өмірінің сапасын жақсартқыңыз келсе біздің мектебімізде арт- терапиялық "Қыш құмыра" жасау курсына келуіңізге болады. Біздің есік сіздер үшін әрдайым ашық. Үйірме жетекшісі: Налибаева Ақмарал Нурланқызы.